Her er eit knippe artiklar kring skulestrukturdebatten som pågjekk på Voss frå 2005-2008.

Arbeidarpartiets svik

22.juni var den varsla d-dagen for avgjersle om skulestrukturen i Voss kommune. Alle partia, og då spessielt skulenedleggingsforkjemparane i AP hadde i lengre tid argumentert for kor viktig det var for elevar og lærarar å ha ei fastsatt skulestruktur å forhalda seg til. RV er ikkje ueinig i dette. Det er uhyre viktig å vita kva skular ein skal ha i framtida, dette er viktig for både elevar, lærarar, foreldre, eventuelle tilflyttarar, næringsliv, og ja stort sett heile kommunen.

Men AP hadde etterkvart forstått at dei ikkje ville få igjennom nedleggingsplanane sine. Dei satte seg då ned med venstre og lagde eit nytt framlegg, som dei visste at høgre samt enkelte andre ville kunne godta. På denne måten greidde AP med god hjelp frå Venstre å gjera heile 7 skular nedleggingstrua. Ap makta gjennom framlegget som vart vedteke å redda skinnet sitt med å seia at noko skulle gjerast med skulestrukturen. Medan dei på den andre sida makta det kunstykket det er å bryta løftet sitt som var eit løftebrudd i fylgje det dei sa i valkampen om å klargjera skulestrukturen før sommaren.

Utfallet av saka vart nemleg at no er alle skulane i sentrum fritt vilt for nedleggingstilhengjarane. Gjernes, Vangen, Gullfjordungen, Palmafossen, Skulestad, Kløve og Bordalen skular ligg no alle i faresona for nedlegging.

Alt me no kan håpa på er at saka ikkje kjem opp at før etter neste val, slik at folket kan syna kva dei meiner gjennom stemmesettelen sin

Posta den 30-06-2006 at 13:31

Den kortsiktige løysinga

I Hordaland 16.03.06, kunne me lesa om arbeidsgruppa som har jobba med alternative løysingar i skulestrukturen i kommunen. Eg vil ikkje gå inn på dei forskjellige alternativa som her vert skissert, avdi heile rapporten oser av ei ei so kortsiktig tenkningsform at alternativa ikkje fortener å verta nemnt. Eg vil her pressisera at arbeidsgruppa ikkje skal kritiserast for dette. Ettersom det er politikarane som har satt kriteriane for arbeidet i gruppa.



Eg vil heller gå inn på dei faktiske politiske, menneskelege og økonomiske konsekvensane av skulesamanslåingar i Voss kommune i dag.

Men før ein går vidare inn på desse spørsmåla er det viktig å ha i bakhovudet det arbeidet som kommuneimperialistane i denne augenblinken held på med. Om me gløymer ynskjane frå enkelte imperialistar om å gjera Voss kommune om til ei stor-kommune, får ein heller ikkje med seg det heilskapelege politiske og økonomiske bilete i skulestruktursaka. For kva vil skje den dagen Granvin med fleir vert ein del av «stor-Voss». Kor lang tid vil det gå før kalkulatorryttarane som styrer kommunen vil sjå det som teneleg med endå ei ny skulestrukturdebatt? Nei, det einaste forsvarlege og reiderlege kommuneimperialistane kan gjera i denne saka, er å venta på resultata av kommunesamanslåingssamtalane før ein går vidare med ei skulestrukturdebatt.



Men, tilbake til konsekvensar av skulesamanslåingar. I Voss kommune har ein i lang tid hatt praksis for at kvar grend har sin skule. Denne skulen har ikkje berre vore ei trygg lærestad for born, men 'og ein samlingstad for grendafolk, lokalt lagsliv og generell kos på kveldstid. Når skulen i grenda forsvinn, vil òg ein del av grenda forsvinna. Men ikkje nok med det, eg vil påstå at mykje av den daglege tryggleiken foreldre i dag føler når dei sender ungane sine til skulen også vil forsvinna. Eg las nyleg ei forskningsrapport om konsekvensar av store skular frå USA, som konkluderte med at dess større skulane var dess meir valdseppisodar og fleire sosiale taparar var det. Kor mykje vil ikkje ei slik utvikling kosta samfunnet i lengden?



Trenden på 90-talet var at stadig fleire grendaskular vart lagt ned kring i kommunane, og no i det siste har det vorte stadig meir fokus på den aukande valdsbruken og mobbingen i skulen. Skal verkeleg Voss kommune no når me byrjar å sjå resultata frå andres feilsatsing satsa på det same? Fleire store barneskular på austlandet har faktisk dei siste åra gått den andre vegen og splitta opp skulane for å laga mindre skular med betre miljø. Det viser seg at fleire og fleire høgreiste forskarar og forståsegpåarar meiner at det er grendaskulen som er det ideelle, og ikkje storskulen med alle dei problemene den fører med seg.



Økonomisk kan det ved første augekast sjå ut som om det er pengar å spara med å gjera endringar i kommunestrukturen på Voss. Men om ein ser nærare på tala i rapporten frå arbeidsgruppa finn ein fylgjande tal:



*

Oppussing av dagens skular: 150 millionar kroner.

*

nye skular: frå 145 – 240 millionar kroner (her kjem det og inn ei påplussing om ein skal riva eksisterande skulebygg, med andre ord kan summane verte atskilleg høgare)

*

Med skulenedleggingar kan ein årleg spara opp mot 12 millionar kroner. (men her er det ikkje teke med i berekninga utgifter til ekstra personell. Mellom anna er det vorte naudsynt mange plassar i landet å ansetja ekstra personell i form av miljøarbeidarar og sosial arbeidarar ved fleire store borne og ungdomskular som resultat av at skulane er vorte for store.)

*

Og til slutt spørsmålet me ikkje vil få svar på før om 12-15 år, kor mykje ekstra kostnader i form av menneskelege lidingar og auka sosialøkonomiske kostnader får me som resultat av storskulane.

Posta den 18-03-2006 at 18:20

Kommunestyret la føringar på seg sjølv
Posta av bjarte kaldestad 03-02-2008 kl 11:54

I kommunestyremøte torsdag 31.01.08 la kommunestyret føringar for den vidare behandlinga av skulestruktursaka. Dette vart gjort sjølv om saka ikkje er sendt ut på høyring endå. Etter framlegg frå AP vart fylgjande vedteke:


1. Avdelinga for pedagogiske tenester må spara 4,7 millionar kroner gjennom generell effektivisering/ kvalitetsreduksjon.



2. Omfanget av reduksjonen kan bli redusert i samband med vedtak om framtidig skulestruktur i april 2008.


Raudt fremja fyrst framlegg om å utsetja saka, fordi me meiner at saka må sjåast i samanheng med sak om skulestruktur som no vert sendt ut på høyring. Då dette fall mot 3 røyster (Raudt + 1 frå SV) fremja me eit framlegg om at manglande dekning på budsjettet skulle hentast gjennom skattenekt til staten. Pengane finst, og det er vår oppgåve som lokalpolitikarar å syta for at innbyggjarane i kommunen får best mogeleg tenestenivå. Det er innbyggjarane me skal vera lojale mot, ikkje stortingsfolka. Dette framlegget fall mot Raudt sine 2 røyster.

Ope møte på gullfjordungen

Laurdag 3. juni kunne me lesa «hordalands» artikkel frå ope møte på gullfjordungen skule om skulestrukturen. I artikkelen kunne ein lesa at SV, SP og KrF har vore motstandarar av å leggja ned skular. Dette er forsåvidt nesten korrekt. Men merkeleg er det at det eine partiet som har vore konsekvente imot skulenedleggingar under heile prosessen RV, ikkje var nemnt med eit ord. Det hadde ikkje vore nokon skulestrukturdebatt i dag om ikkje kommunestyre mot RV si røyst gjekk inn for å få utarbeida ei kostbar konsulentrapport om skulestrukturen på Voss. RV meiner at desse pengane heller kunne vore nytta til opprustning i dagens skular. Men eg skal ikkje dvela meir med denne beklagelege feilen frå nyhendemonopolistane i bygda vår.



Det som var atskilleg meir viktig under dette møte, og som «hordaland» diverre ikkje fekk med seg i artikkelen, var ein del av innspela frå publikum. Fleire publikummerar peika på feil i talmatterialet i rapporten om skulestruktur på Voss, utan at kommunesjef eller skulenedleggingstilhengjarar frå AP kunne tilbakevisa dette. Dette kan tyda på at det faktisk er feil i talmatterialet. Og om det er slik er jo dette ganske interesant.



Grendalaget heldt 'og eit inlegg under dette opne møte. Her gjorde dei det klart ovanfor politikarane at alternativet til å senda ungane ned på vangen, var å starta opp privatskule. Eg skjønar frustrasjonen hjå foreldre og grendalag, og det er ikkje utenkeleg at eg ville sendt mine eigne ungar på privatskule i ein slik situasjon. Men samfunnsmessig er dette svært uheldig. Privatskular stikk diverre av med store summar kvart einaste år, som burde gå til dei offentlege skulane. Om ein ser til storbyen Oslo har det vore ein eksplosjon av såkalla private grendaskular dei siste åra, avdi foreldre tykkjer dei offentlege skulane vert for store og uoversiktlege. Som sagt så kan eg skjøna foreldra, for slik blir når kommunepolitikarar ikkje maktar å sjå forbi neste års kommunebudsjett.

Posta den 30-06-2006 at 13:30