15. april publiserte Voss kommune planane om utbygging av dette "varig verna" vassdraget på nettsidene sine. Raundalselvi er i dag ved siden av å vera ein viktig brikke i eit større økosystem også eit bevis på at fritidsaktivitetar og miljøinteresser kan gå hand i hand. I dag vert Raundalselva sett på som ei av dei beste elvene me har for rafting og kajakk paddling her i landet, og ei utbygging vil også gå utover desse aktivitetane.

I dei siste åra har me sett ein stadig større saksbunke presentert for kommunestyret der hovudinteressene har vore kapital mot miljø. I dei aller fleste sakene har kapitalinteressene vunne fram mot 2 røyster frå Raudt. Raudt Voss ynskjer å utfordra dei andre partia til å gå offentleg ut med sine syn i denne saka, og ikkje gjera slik dei ofte gjer med å gjøyma seg bak fleirtalet i kommunestyret. For å fjerna all tvil ein gong for alle, - Raudt Voss vil gjera alt som står i vår makt for å forhindra utbygging av Raundalselvi!