Kommunebudsjettet
for 2006
er vedteke, som vanleg mot RV's eine røyst. Her finn du eit
utdrag av RV's bidrag I budsjettdebatten:

I fjor stod eg på denne talerstolen og sukka over nok eit budsjettframlegg med
nedskjeringar. Mange av Dykk nikka då med hovudet og var einige i at dette var
fælt, SV gjekk endåtil so langt at dei trua med å stø RV’s
linje til neste år om ikkje situasjonen betra seg.

No har situasjonen betra seg noko. Kommunen får større statlege
overføringar, og nedskjeringane i budsjettet er kkje like store som før. Men RV jublar ikkje av den grunn.
Me har fått ei ny regjering som har uttala at det ikkje skal vera grunn til å
skjera ned korkje
innan helse og omsorg eller skule. Det denne regjeringa ikkje heilt har
forstått endå er kor ille det har stått
til i kommuneøkonomien kring i landet
vårt. Så dei skarve 5,5 milliardane dei har gjeve
ekstra til kommunane er langt
ifrå nok. LO og RV fremja krav om 10 milliardar ekstra under
valkampen, dette
meinte regjeringspartia var urimeleg mykje. Men for at me skulle
fått i hop eit
budsjett i dag utan nedskjeringar, og samstundes starta på ei
naudsynt opprustning
i kommuneavdelingane hadde 10 milliardar vore eit minimum av kva
kommune norge
hadde trengt. Mange
trur at me no kan slappa av, me har fått ei ny og meir sosial
regjering. Men
det å bytta ut folka i kapitalforvaltninga vil ikkje
åleine skapa eit betre og
meir rettferdig samfunn. Kapitalens interesser vil framleis styra
utviklinga.
Og så lenge det er kapitalen som styrer samfunnsutviklinga
vil ikkje
demokratiet fungera demokratisk. Kapitalismen er ein multinasjonal
kraft
som den norske regjering ikkje åleine
kan bekjempa. Kapitalismen fører til dei evige runddansar av
typen: grunna høg
lønsvekst settest avgifter opp, og grunna avgiftsaukane lyt
lønningane opp endå
meir. Det er kapitalismen som er årsaken til nedskjeringane i
budsjetta våre.
Kapitalavkastarane krev sitt og dette går utover det
offentlege altså folket.

Over til
budsjettet:

I år har
me nedskjeringar innan ein rekke felt. Helse og omsorg.,
Vaksenopplæring,
kursmidlar etc…etc.. Men endå verre er det nesten
at det ikkje er rom for
opprustning i kommunalavdelingane. Eit stort pluss er det at
barnehagane skal
opp igjen på 2005 nivå. Eit av
dei verste punkta eg vil framheva er sosialstønaden som i
1998 vart sett til 1G
som då var kroner 42500. I år 2006 ligg
sosialsatsane våre framleis på same kronetal,
medan 1G er oppjustert til over 60 000 kroner. For RV er det
eit krav at
sosialsatsane må tilbake til 1998 nivå,
altså 1G. Eit anna
framlegg frå RV i år er å auka
reserveposten til kommunestyret. Me veit alle at
det vil komma uforutsette utgifter, det gjer det kvart år. Og
når me no veit at
den famøse vassmålarsaka skal opp att på
nytt, må me vera budde på
erstatningskrav. Her bør det elles nemnast at eg
sjølv ikkje var med å vedtok
denne skampletten. Eg vonar kommunestyret i dag skjønar kor
i uttakt med folket
dei var då dei i 2003 vedtok å gjera det mogeleg
å kommersialisera vatnet vårt.
Dessutan syner tal frå ei rekkje kommunar at kommunane
får tapte inntekter
grunna vassmålarsystemet. Så på mange
måtar har dette vorte ei tap-tap
situasjon. På inntektsida
finn RV pengar å spara i IT sektoren med å seie opp
microsoft lisensane, og
heller gå over på Linux eller annan open
kjeldeldevare. Bergen , Sarpsborg,
Larvik for ikkje å nemna eit land som venezuela har gjort
dette. Ikkje berre
for å spara pengar, sjølv om det utan tvil er peng
å spara. Men også for å vera
aktivt med på å nedkjempa Microsoft si monopol
stilling i dag. Dessverre trur
me i RV at det er svært få av representantane i
kommunestyre som veit kva Linux
er for noko, og ser lite håp om å få i
gang eit slikt prosjekt før til neste år.
RV foreslår difor fylgjande:

Kommunestyre
ber administrasjonen om å koma attende til kommunestyre med
ei utgreiing om kva
økonomiske fylgjer det vil få for
kommunen
å gå over til open kjeldevare innan IT sektoren.

RV sitt
hovudframlegg vil tradisjonen tru vera:

Alle
bør-tiltak frå alle kommuneavdelingar må
arbeidast inn i budsjettet. Pengane
til desse formåla finn me ved skattenekt til staten.

Dette
fordi me gjennom skattenekt syner at me ikkje vil vera med på
kapitalismegaloppen som sakte men sikkert fører samfunnet
vårt stadig nærare
avgrunnen.

Når det
gjeld skulestrukturen, meiner RV det er heilt hol i hovudet å
bruka peng på
konsulentverksemd, samstundes som ein ausar ut peng til
konsulentverksemd
angående kommunestrukturen. Alle med litt iq bak pannebrasken
skjønar at det
vil verte nye skulestrukturdebattar etter ei eventuell
kommunesamanslåing.

Posta den 18-12-2005 at 16:26

Budsjett 07

Posta den 21-12-2006 at 10:21

Dette er dagen då rammene for neste år vert lagt, og det som har vore mest smertefullt er å sjå korleis ein år etter år har måtte skjæra ned på velferdsgode til dei som i utgangspunktet har minst. RV ynskjer ein meir heilskapeleg økonomisk planlegging, der det er behova som styrer økonomiens reglar og ikkje slik det er i dag der det er dei frie marknadskreftene som styrer både politikarar og andres folk sin kvardag.



Rammene for budsjettet som er lagt fram i år er på mange måter eit betre utgangspunkt enn det ein har sett dei siste åra. Men dette betyr ikkje at RV er fornøgd. Me ser at statens inntekter veks i rekordfart... dei rikaste mellom oss vert stadig rikare... og dei fattige? - Ja dei er framleis fattige. Med den statlige og private rikdomen me har i dette landet er det ein skam at me har fattigdom. Tilogmed på vesle voss har me fattigdom, medan den jamne mann og dame handlar julegaver for tusenvis av kroner, er det folk kring oss som kvir seg i fleire månader før jula kjem, for dei veit ikkje korleis dei skal få endane til å møtast under den dyraste tida i året..... Det er dette RV vil gjera noko med. Me trur ikkje at ein kan få gjort noko med dette utan at alle bør tiltak i budsjettet vert gjennomført. Først når behovet styrar trur me fattigdomen kan bekjempast. No har ikkje me illusjonar om at maktkåte stortingspolitikarar skal retta opp i skjeivfordelinga med det fyrste, det er difor me år etter år fremjer det same primærframlegget i budsjettdebatten i kommunestyret. Alle BØR tiltak frå alle kommunalavdelingar arbeidast inn i budsjettet. Finansiering av dette dekker me inn gjennom skattenekt til staten.


Som seg hør og bør har RV fleire framlegg. No skal eg skissera eit sekundært framlegg som bevegar seg innafor den fastsatte firkanta ramma sjefane våre ynskjer at me så lojalt skal fylgja. Framlegget er basert på formannskapets tilråding. 1. Kommunestyret reduserar ordførarlønning ned til gjenomsnittleg industriarbeidar løn. (eg vil her pressisera at dette utelukkande er eit politisk prinsipp frå RV si side, og ikkje på nokon som helst slags måte er meint som eit teikn på mistillit ovanfor ordførar.) 2. Politikergodjersla vert ført ned til eit absolutt null nivå, dvs at ein kun kompenserar for dei faktiske tap politikarane har ved møter. 3. Alle microsoft lisensar i skulesektoren vert sagt opp og Voss kommune involverar seg i skuleinux prosjektet. (Dette er eit norsk open kjelde produkt spessielt tilpassa det norske skuleverket. Dette er gratis, det finnest i over 20 land, både høgskular og vidaregåande skular og fleire barneskular er med i prosjektet. Og best av alt, all programvare finst på nynorsk. Og om ikkje dette er nok , krever systemet færre maskin resursar, noko som gjer det mogeleg å nytta kvar einskilde datamaskin i eit lengre tidsperspektiv enn det som er mogeleg med microsoft sine produkt.) 4. Voss kommune kuttar ut alle microsoft-office lisensar i kommunen og innstallerar gratis kontorpakka open office. (som no får stadig fleire av sine filformat registrerte som internasjonale standarar. Dette betyr at alle andre kontorprogram må støtta desse filformata, noko som gjer ein migrasjon til open office mykje lettare enn for berre eit år sidan.) Berre desse små enkle grepa vil føra til ein kostnadsreduksjonpå ca 1 million kroner (dette er strengt tatt feil ettersom mykje av maskinparken innafor skulevesenet no må bytast ut, noko som ikkje vert naudsynt om ein går over på eit mindre resusrskrevjande system. Men det er alltid greit med litt ekstra peng på slutten av året.) Denne millionen ynskjer RV å nytta på fylgjande måte: 5. Kommunestyrets reservepost aukast med 1 million kroner, kommunestyret ber samstundes alle kommunalavdelingar legge inn søknad til kommunestyre om kva oppgåver dei ser på som mest presserande, slik at kommunestyret kan vurdera kva pengane best kan nyttast til.



No trur eg vel ikkje at dette framlegget heller vil få stort meir enn ein røyst. Så eg vil difor også fremja nokre benkeframlegg, som ikkje vil bety omrokkeringar i budsjettet.


Benke-Framlegg 1. Det vert sett ned ein kommitè av politisk valde og representantar for ungdomsorganisasjonane med tanke på å utarbeida ei skisse for etablering av eit kommunalt ungdomshus i voss kommune.


Benke-Framlegg 2. Kommunestyret ber administrasjonen undersøka kva reelle innsparingar kommunen vil ha på å gå over til skulelinux innafor skulesektoren.


Litt meir om det me mest sannsynleg vedtek i dag mot RV's stemme:
Ser ein på sosialhjelpsatsane som ein no aukar, i forhold til samla pensjon i perioden frå 98 til 06. Prosentvis har auken i pensjon vore 39% medan auken i sosialhjelpsats for personar over 25 år etter dagens vedtak vil vera på ca 4%. I 1998 utgjorde sosialhjelpssatsane for ein einsleg 75% av samla pensjon, medan det etter dagens påplussing vil utgjera 47%. Eg seier ikkje at det ikkje er gledeleg med auka sosialhjelpssatsar, eg berre vil påpeika ei skeivfordeling. Her har me ein jobb å gjera!


Eg vil òg setta fokus på omsorgs sektoren. I fylgje det ein vart forespegla i regjeringas soria moria avtale, skulle atskillege fleire hender i arbeid innafor omsorgs sektoren. Reelle tal dividert og rekna ut utifrå folketal ville tilseie at Voss kommune innan stortingsperioden skulle hatt 30 fleire tilsette innan området. Desverre ser det ut i dag som om kommunen vil gå ut av stortingsperioden utan fleire tilsette i sektoren. Her har me òg ein stor jobb foran oss.