Etter snart tre år har regjeringa enno ikkje innfridd lovnadene sine. Dei viser til EØS-avtalen og den internasjonale kraftmarknaden som eit påskot for å unndra seg sitt politiske ansvar for ein nasjonal industripolitikk.

I mellomtida stengjer bedrifter ned smelteomnar, varslar utflagging eller legg vekk investeringsplanar for over 25 milliardar. Den mest miljøvenlege kraftforedlande industrien i verda er i fare.

Denne kampen gjeld framtida for mange industrisamfunn i distrikta ( som t.d. Odda og Tyssedal, Sauda, Husnes, Høyanger og Ålvik) og Norge som industrinasjon.

Som formannskapsmedlem og Raudt-politikar i kraft- og industrisamfunnet Odda vil eg gjerne vere med å vise solidaritet ved å ta del i denne kraftdemonstrasjonen i Oslo. Eg oppmodar lokal- og fylkespolitikarar frå alle andre parti om å gjere det same.

Terje Kollbotn (Raudt Odda)