La oss sjå litt på kva partia har stått for så langt. Det var Senterpartiet som gjekk i spissen for fullt frislepp i energisektoren. AP og SV hadde ikkje større innvendingar. Resultatet er dyrare straum og at mange verksemder som hadde billeg straum som sitt største konkurransefortrinn gjekk over ende. Mange av desse låg i distrikta. Både AP og SV røysta for privatisering av kollektivtransporten i 1991. AP har vore spydspissen for marknadsliberalisme i Noreg mellom anna ved å leggja til rette for kommersialisering og privatisering i statleg sektor. Telenor, Posten og NSB vart gjort om til A/S for å leggja til rette for det. Både SP og SV har delvis vore med. Det var også AP som av same årsak gjekk i spissen for delprivatiseringa av Statoil. Resultatet er at private aksjonærar; for det meste amerikanske storbankar, i 2004 kunne ta ut 3,3 milliardar i utbytte frå Statoil. AP er tydeligvis meir opptekne av å fylla opp lommene til utanlandske storkapitalistar enn å sikra norske pensjonistar gode vilkår, jf. Pensjonssaka. Internasjonale avtalar som WTO-avtalen med vedheng, EØS-avtalen og NATO set dessutan snevre grenser for ein ny politisk kurs. AP har så langt ikkje ein gon vore villig til å utnytte det lille spelerommet avtalene tross alt gir. Der i garden har det derimot vore viktig å vera best i klassen med omsyn til liberalisering og marknadstilpasning. Ny kurs? NEPPE. Dersom ein ønskjer ny kurs er det i dag berre eit alternativ: RV.

Kristian Kjellstadli
RV i Ullensvang