INTERNASJONAL SOLIDARITET         ER OG EIT LOKALT ANSVAR!
Lokaldemokratiet har lita påverknadskraft i utforminga av norsk utanrikspolitikk, men vert ramma av dei sentrale vedtak. Stortingspolitikarane er i utakt med majoriteten av folket sitt syn på både EU-spørsmålet og krigane i Afghanistan og  Irak.
EØS-avtalen, EFTA-domstolen og eit særs EU-lojalt storting har gjort mykje for å øydeleggje delar av levegrunnlaget for distrikta i Noreg, og har auka sentraliseringa.
Mot den norske opinionen sin vilje driv Noreg ein aggressiv utanrikspolitikk i tråd med supermakta USA sine interesser. For å endra situasjonen vil RV/SV på Radøy arbeida:

• FOR nasjonalt sjølvstende og utmelding frå EØS – mot utsal av folkets felleseige som vasskrafta, fiskeria og andre naturresursar
• MOT norsk medlemskap i NATO
• FOR auka internasjonal solidaritet og ei aktiv kulturell utveksling, særleg med land i den 3. verda gjennom avtalar om partnarskap
• FOR solidaritet med det palestinske folket og ei to - statsløysing i Midtausten
• MOT aktiv krigsdeltaking i Afghanistan og Irak - norske soldatar må heim til Noreg.
• FOR at Radøy kommune skal vere solidarisk i praksis ved å kjøpa ”fair-trade”- varer